Бодлоо чамаар дүүргээд

Бороонд норон гуниглан зогсно

Зүрхээ чамаар чимээд

Зүүдэндээ зөвхөн чиний дүрийг хайна

Ч.Бат-Отгон

Давалгаа сөрсөн амьдралын

Дарвуулт завьны ахмад нь чи

Дахин олдохгүй амьдралын

Дэндүү сайхан дурсамж нь чи

Чи тэргэл саранд гэрэлтэх цагаан сарнай

Чи тэртээх алсаах гялалзах гэрэлт од

Чи .......

Хүслийг хясал дийлж

Хүмүүнийг ганцаардал ална

Бодлыг гуниг үгүйрүүлж

Болохыг чадахгүй мунхруулна

Чив чимээгүйд

Чиний хэлсэн үг сэтгэлд цуурайтна

Хав харанхуйд

Хаанаас ч юм дүр чинь тодорно

Чи миний зүрхэнд асах гал

Чин сэтгэлийн гэгээн дагина

Тэргэл саранд хүслээ шивнээд

Чинийхээ л төлөө энэ амьдралыг туулна

Бодол чи

Зүрхэнд бас л чи

Зүүд нойронд минь тээд л чи

Зөвхөн чамайг гэсэн сэтгэл минь

Хязгааргүй ертөнц адил


Ч.Бат-Отгон

Чи миний зүрхний эзэн

Чин сэтгэлийн минь үнэн хайр

Чамайг үгүй бол би яаж амьдрах уу?

Чамайг үгүй бол бол яаж тэмцэх үү?

Чимээгүй ирсэн хайр минь чи

Чимэг гоёлгүй ирсэн дурлал минь чи

Зүрхэнд минь чи үгүй бол

Зүүдэнд минь чи ирэхгүй бол

Би энэ ертөнцөд амьд явсны учир үгүй

Учрал билигдсэн тэр өдөр 2лаа учирсан нь үнэн

Удаан биш ч гэсэн чамайтайгаа жаргалтай байсан нь үнэн

Зүггүй насны гэнэн шохоорол ч байж болно

Зүүдний амьдралын ариун учрал ч байж болно

Чамдаа би чинь дэндүү хайртай болжээ

Чамайг гэсэн зүрх өдөр болгон цохьлох болжээ

Хүсэл минь сэтгэл минь чиний төлөө

Хүрэх газар хаач байсан зөвхөн чиний төлөө

Энэ зүрх минь чиний л төлөө ........

Би өөрийнхөөрөө байх дуртай

Талхилагдсан газар шиг тахлуулах би дургүй – сэтгэлээрээ

Танхилхан биш эршүүд байх дуртай- өөрийнхөөрөө

Зулгарсан цэцэгс шиг гандах би дургүй- итгэлээрээ

Зугуухнаар дүүрэх шинийн гуравны сар шиг байх дуртай- бодлоороо

Хавартаа сэргээд намартаа хагдардаг өвс шиг байхыг хүсэхгүй-гунигаараа

Хундага дүүрэн мэлтэлзэх гашуун сархад шиг ч байхыг эрмэлзэхгүй -зоргоороо

Хурын ус ч тайлахгүй хайр минь дуусахгүйг гэрчлэнэ би – чамдаа

Хуучирсан ч гэсэн намайг бусдаас илүү хайрлахыг хүснэ би – чамайгаа