Сэтгэлдээ хэн нэгнийг тээж

Чин сэтгэлээсээ хайрлах сайхан

Сартай тэнгэрийн одод доор

Тэрнийхээ тухай бодох сайхан

Удаан биш ч гэсэн жаргалтай мөчөө бодож

Урдах амьдралдаа сэтгэл дүүрэн алхана

Удахгүй уулзана гэж өөрийгөө зоригжуулж

Урсах цагийг үл хайхрана...

Бодол зөөлөн гуниг хөвөрч

Бороо зөөлөн шивэрнэ

Сэтгэлд зөөлөн бодол ирж

Сэрүүн салхи зөөлөн шивснэ

Холын холд суугаа чиний минь

Хонгорхон биений чинь үнэр ханхлах шиг

Чамайг санасан сэтгэлийн гүнд

Чангаас чанга хонх цохих шиг...

Чамайг харсан мөч

Чамтай танилцсан мөч

Чамайг хайрласан мөч

Чин сэтгэлийн минь гүнд шигдээстэй...