Бороотой үдэш

Бороотой үдэш

Бороотой үдэш гудманд ганцаараа
Бүтэлгүй хайрын бодолтойгоо бүдчин уналаа
Гараас минь өргөн дээш татах хүнгүй учир
Гансарч хэсэг газар суулаа

Гудмаар урсах борооны ус жиндүүлэвч
Хаяад явсан таны сэтгэл илүү жиндүүлнэ
Харанхуй дунд хэн нэгэн гарч ирээсэй гэж
Хачин тэнэг зангаараа дахин дурлахыг хүснэ

Хаширдаггүй энэ зангаа үзэн ядаж
Харанхуй гудамжинд суун үүр цайхыг үзлээ би...

Д.Болор

Хүлээлт

Хүлээлт

Гадаа зогсоод л баймаар

Нүүрээ тэнгэрт харуулан
Зогсоод л баймаар

Цасанд мод шиг даруулан
Зогсоод л баймаар

Царай зүсэнд минь
Цагийн төрх тодортол
Зогсоод
Зогсоод л баймаар

Улаан алчуураа
Цагаан болтол
Зогсоод л баймаар

Урсатлаа
Урсаад арилтлаа
Бороонд зогсоод л баймаар

Чиний үнэрийг авч явсан салхи
Авчирч өгөхөөс өөр
Аргагүй болтол нь
Зогсоод л баймаар

Чихэнд минь зүүсэн ээмэг
Чиний нэрээр жингэнэтэл
Зогсоод
Зогсоод л баймаар

Ирэхгүй гэдэг үг
Ичээд нуугдтал
Зогсоод л баймаар

Ирэх замыг чинь зөөллөн
Элс болон бутартлаа
Зогсоод
Зогсоод л баймаар

Л.Өлзийтөгс

Навчис хөглөрсөн гудмаар
Яахаа үл мэдэн ганцаар алхана
Нимгэн уйтгар зүрхэндээ тээн
Доголон нулимстай чамайг би санана

Жихүүн салхитай өвлийн үдэш
Гудманд ганцаараа алхахдаа
Санасан сэтгэлээ аргадаж
Үнэрийг чинь санахыг хичээнэ

Үнсээд үлдсэн уруулын чинь балыг
Өглөө бүр үгүйлэн сэрдэг
Уулзаж байна гэж зүүдлээд сэрэхдээ
Зөндөө ихээр үгүйлдэг ээ чамайг

Санаж хүлээхийн завсрын тэр эгшинд дурлаж
Саатаж мордохын тэр эгшинд жаргаж
Сэтгэлээсээ инээх тэр л эгшинд баярлаж
Салж хагацахгүйн дунд чамайг би хайрладаг

Би чамд “хайртай” гэж хэлэхгүй
Чиний төлөө үхэхгүй
Чин хайрын төлөө үг ч багадана
Чиний төлөө үхэх ч багадана
Гагцхүү чамдаа би
Гарцаагүй надад олдсон
Ганцхан хувь заяагаа өгнө
Тэгээд
Тэнхлэг бүхнээрээ хайраа тулж
Тэнгэрийн өргөн нарыг аргамжиж
Чиний төлөө амьд явна

Хэрвээ би тэнгэр өөд нисчихвэл
Хажуудаа чи намайг үгүйлэх үү?
Хэрвээ би буцаж ирэхгүй алсын алсыг зорьвол
Хичнээн хайртай байсныг минь чи санах уу?

Наран мандахад хажууд чинь сэрэх надгүй бол
Өдөржин чи гунигтай явах уу?
Маргааш надад ирэхгүй болбол
Минийх байсан уруулаар өөр хүн үнсэх үү?

Үдэш болоод ор чинь эзгүйрвэл
Шөнийн зүүдэндээ чи намайг эрэх үү?
Хар дараад сэрэхэд чинь хажууд чинь би байхгүй бол
Харанхуйд ганцаардан тэвэр чинь эзгүйрэх үү?

Алсын алсад нисээд одоход
Амраг минь чи хайрыг минь санах уу?
Аяархан дуудах диваажин тийж ажих ирэхгүй нисчихвэл
Ахиад чи миний хойноос үгүйлж арван тавны сартай ганцаар ханьсах уу?

Хэрвээ би тэнгэр өөд нисчихвэл
Хажуудаа чи намайг үгүйлэх үү?
Хэрвээ би буцаж ирэхгүй алсыг зорьвол
Хичнээн хайртай байсныг минь чи санах уу?

Хайрлан уярах яруу чамд байдаг болохоор

Хамтдаа байхад үргэлж жаргалыг мэдэрдэг болохоор

Хаа ч явсан би чамтай л байж

Хайрын элчийг чамдаа л мэдрүүлэнэ

Би чамд хайртай

*** Ижий чулуу ***

Ижий гэдэг мөнхийн чулуу
Эмтэрсэн байхыг яая дaа
Үүлтэй нартай хорвоод
Эмзэг байхыг яая дaа

Ижий гэдэг эрдэнын чулуу
Мөнх бишийг яая дaа
Энэрэл шаналалтай тэнгэрт
Мөрөөдөн санахыг яая дaа



Ижий гэдэг халуун чулуу
Хагарсан байхыг яая даa
Өвөлтэй зунтай дэлхийд
Хагацал ирсэнийг яая даa

Ижий гэдэг эвийн чулуу
Байхгүй болсоныг яая даa
Эвлэрч эвдэрдэг амъдралд
Бодогдоод байхыг яая даа

Э.Энхболд : Навч мэт хийсэх бодлууд


Навч мэт хийсэх бодлууд
Нэг л өдөр үстэй минь ороолдож
Навч хийсэх мэт бодлууд
Наян нэгэн эрхэс болон гэрэлтэж
Навч мэт хийсэх бодлууд
Нарны замаар хувь заяаг зураглаж
Навч мэт хийсэх бодлууд
Намрын тэнгэр уйлагнахад шүхрээ дэлгэж
Навч мэт хийсэх бодлууд
Номын тавиур дээгүүр хөглөрч
Навч мэт хийсэх бодлууд
Дэнлүүний минь гэрэлд цохиулж
Навч мэт хийсэх бодлууд
Үзэгний минь хошуугаар тоглож
Навч мэт хийсэх бодлууд
Навч мэт хийссээр

Уйтгарт өдрүүдээр дүүрэн мөч

Уйлмаар ч юм шиг ганцаардах хором

Утгагүй үргэлжлэх нэгэн хэвийн амьдрал

Удаан хүлээсэн чамайгаа харж үгүй болох юм уу?

Зүрхээ дараад чамайг л бодох юм

Зүүдээ манаад чамайг л хайх юм

..........


Хүсэл мөрөөдөл

Хүсэл хясал

...........